Want to know more about Randy Ponteras' Agenda when elected as City Councilor for the 1st District of Davao City? Read On Friends!

5 Point Agenda

(Mga tinguha sa katawhan nga angayan hisgutan sa hawanan sa konseho. Ato ni bay! )

• Relocation dili demolisyon! Public housing program i-plastar na para tubagon ang problema sa kadaghanan diha sa Boulevard, Bucana, Bacaca, Aplaya, Matina, Talomo ug daghan pang dapit sa dakbayan. Ikaduha, pangunahan sa lokal na gobyerno ang pagtubag sa problema sa “Balikatan Program” na nag-foreclose sa daghan’g balay nga low-cost housing subdivisions.

• Ampingan ang kina-iyahan! Global Warming disaster andaman, lihok na dapat ang gobyerno bag-o mu-abot ang katalagman sama sa baha, hulaw, ug uban pa. Ipadayon ang pag-preserba sa kinaiyahan sama sa Tamugan River. Ipatuman ang total log ban sa kabukiran sulod sa dakbayan.

• Nagkahi-usang trabahante mas pakusgan! Ang Davao City Workers Affair office mugna-on na mahimong regular na opisina sa local na gobyerno. Trabaho ug saktong suholan pakigbisugan diha sa sulod sa konseho. Interest sa kababayen-ang trabahante hatagan usab sa igong pagtagad ug representasyon.

· Driver-Operator dili kulban ug kaldero sa gobyerno, dapat ayudahan! LTO Dept.Order 39 ug laing patakaran anti-transport group babagan. Pag-harass sa mga trisikad undangon, nungka ipa-klaro ang mga balaod sa traffic ug pakusgan pa ang public transport education dinhi sa dakbayan.

• Youth Development ug Education Scholarship palapdon! Pagtukod sa Public City College suportahan. Ang edukasyon ang pinaka-epektibo nga suporta sa mga batan-on, isiguro kini sa local na gobyerno pina-agi sa paghatag ug pinakadaku nga budget. Isiguro usab sa lokal na gobyerno na ang mga bataong-kababayen-an, apil na ang mga lumad ug moro, mahatagan sa saktong pagtagad sa mga scholarship nga gi-apud-apud sa dakbayan.

Duyog sa pagbag-o, Pili-a ang Bag-o, dili ang mga Trapo!

Karon nga election, hagit nako sa katawhan na ibagsak ninyo ang mga walay pulos ug mga kurakot na pulitiko. Gamita ninyo ang inyong gahum sa pagpili sa mga matarung, mga naay baruganan ug naay igong katakus nga mutubag sa

batakang isyu sa katawhan. SUKOL ta, resbakan nato sila sa atong mga balota!

Nagsulat:

Prof. Randy Reyes Ponteras

President, University of Mindanao (UM) CAS Faculty Club

Regional Chairman, AKBAYAN Party-list